თუ პრაღის ტურისტულ ნაწილში ხეტიალი მოგბეზრდება და დასვენებას გადაყვეტ, აუცილებლად ვიშეგრადი უნდა მოინახულო.
Vyšehrad – მაღალი ციხესიმაგრე მდინარე ვლტავის სანაპიროზე, კლდოვან ბორცვზე მდებარეობს და იქ ისტორიულ ძეგლებთან ერთად, უზარმაზარი პარკიცაა გაშენებული, რომლიდანაც პრაღის საუკეთესო ხედები გადაიშლება.
აქვია გაშენებული ვენხები და ჩეხურ ღვინის რესტორანში ცხელი ღვინითაც გაგიმასპინძლდებიან. ვიშეგრადში ინახება ”კარლოსის ხიდის” ძეგლების ორიგინალები, რამდენიმე ათეულ კრონად მათი დათვალიერებაც შეიძლება. თუმცა პრაღის ხედები და მყუდრო და ლამაზი პარკიც არანაკლებ სასიამოვნოა.
ამ ციხესიმაგრის ისტორია სათავეს იღებს მეათე საუკუნიდან, თუმცა კი კლდოვანი ბორცვი ვლტავის სანაპიროსთან ადრეც დასახლებული ყოფილა სლავური ტომებით და ჩეხი ერის დაბადების ადგილად ითვლება.
მეთერთმეტე საუკუნეში, ციხესიმაგრეში პირველი ტაძარი (წმინდა პეტრე და პავლეს სახელობის) ააშენა ვრატისლავ მეორემ, რომელიც შემდეგ ჩეხეთის პირველ მეფედ აკურთხეს. სწორედ მაშინ შეიქმნა ”ვიშეგრადის კოდექსიც”, რომელიც ერთერთი უძველესი ხელნაწერია ჩეხეთის ისტორიაში. აქ იყო განლაგებული მეფის სასახლეც, რომლის კვალი ახლა არსად ჩანს. არადა ვიშეგრადი ჩეხეთის მეფეების რეზიდენცია დიდი ხნის მანძილზე იყო.
ციხესიმაგრეს მხოლოდ ცნობილი პრაღელების პანთეონი შემორჩა. ვიშეგრადი პრაღას 1884 წელს შეუერთდა, ხოლო 1962 წელს ის ეროვნულ კულტურულ ძეგლად გამოცხადდა. მანამდე აქ იყო მცირე დასახლება.
ვიშეგრადის პარკი და წმ. მარტინის როტონდა (გუმბათიანი მრგვალი ნაგებობა სადაც ჯვრისწერის რიტუალი ტარდება)
ფოტოები გადაღებულია 2008 წლის ოქტომბერში.
რეკომენდაციები
- დაგვიანებული, გადადებული ან გაუქმებული ავიარეისების კომპენსაცია
- იაფი ავიაბილეთების დაჯავშნის ხერხები და რეკომენდაციები
- მატარებლის, ავტობუსებისა და თვითმფრინავების იაფი ბილეთები ევროპაში: Omio
- მუზეუმების ბილეთების საიტი: Tiqets
- მოგზაურობის შესახებ დეტალური ინფორმაცია: მოგზაურთა ჯგუფი
